New video animation
Trajnim për Video Animation
Certifikim & Praktikë
Përshkrimi
ÇFARË PËRFSHINË TRAJNIMI PËR VIDEO ANIMATION?
Motion Graphics
Në trajnimin për Video Animation, grafikat e lëvizjes janë pjesë të animacionit ose pamjeve digjitale, që krijojnë iluzionin e lëvizjes ose rrotullimit dhe zakonisht kombinohen me audio për t'u përdorur në projekte multimediale. Në këtë modul do të bëni futjen në lëvizje të elementeve të dizajnit, duke përfshirë elementet 2D dhe 3D, krijimin e video commercials, si dhe animimin e karaktereve të ndryshme të ilustruara.
Social Media Content
Të gjitha rrjetet sociale në ditët e sotme, shumë më tepër rëndësi dhe hapësirë u kushtojnë pamjeve lëvizëse sesa atyre statike, andaj edhe animacionet janë gjithmonë një punë atraktive për t’u publikuar në rrjete sociale, prandaj edhe të gjitha llojet e bizneseve i kanë gjithmonë pikë reference për të pasur paraqitje serioze, interesante dhe profesionale në rrjete sociale. Me përfundimin e këtij moduli do të jeni në gjendje të krijoni tituj, tekste, lower third, call out, template për rrjete sociale dhe çdo lloj tjetër animacioni që kryhet për rrjete sociale.
Visual Effects
Efektet vizuale, të njohura gjithashtu si efektet VFX, krijojnë ose manipulojnë imazhe jashtë kontekstit të një xhirimi dhe përdoren sidomos gjatë realizimit të filmave ose video-reklamave. Në këtë modul do të mësohet montimi i videove te ndryshme dhe aplikimi i efekteve speciale, të cilat bëhen nga zero.
Projekti final
Në përfundim të trajnimit, secili student do të krijojë një projekt personal final, që do të ketë në përbërje të gjitha njohuritë e fituara përgjatë moduleve të kaluara në trajnim, dhe kështu do të krijojë një punë unike, përmes të cilës do të pasurojë portfolion dhe do të afrohet lehtësisht me tregun e punës, qoftë brenda vendit apo edhe në atë ndërkombëtar.
Çfarë përfitoni nga trajnimi për Video Animation?
- Njohuri të avancuara për Video Animation (Adobe After Effects)
- Praktikë pasi të përfundohet trajnimi
- Referencë pune nga kompania Sharp Group
- 1 certifikatë nga ROI Academy
- Certifikata online
- Njohuri se si të fitoni punë online
- Konsulencë të vazhdueshme falas nga ekspertët tanë
